საქართველოს ბიზნესასოციაცია აღმასრულებელ ხელისუფლებასა და ეროვნულ ბანკს მოუწოდებს ლარის კურსთან დაკავშირებით უფრო აქტიურად ითანამშრომლონ.

ამის შესახებ ბინზესასოციაციის პრეზიდენტმა გიორგი ჭირაქაძემ განაცხადა.

ჭირაქაძე იმედოვნებს, რომ ეროვნული ვალუტა ზაფხულის დასაწყისში გამყარდება.

მისი თქმით, შექმნილ სიტუაციაში იმპორტის შემცირება გამორიცხული არ არის.

„ეს არ არის ხელისუფლებაზე პირდაპირ დამოკიდებული. ეს დამოკიდებულია იმ მოლოდინებზე, რაც მოსახლეობას და ბიზნესს აქვთ მომავალთან მიმართებაში. ასევე იმ იმპორტიორებზე, რომლებსაც საქონელი შემოაქვთ. იმედია, ლარის კურსი უფრო ზემოთ არ წავა. შექმნის სიტუაციასთან დაკავშირებით, ჩვენი პოზიციაა, რომ ძალიან მნიშვნელოვანია აღმასრულებელი ხელისუფლება და ეროვნული ბანკი ერთად ძალიან აქტიურად მუშაობდეს. ვერც ერთი დამოუკიდებლად ვერაფერს გააკეთებს. ეს შეუძლებელია. აქტიური მუშაობით ბევრი რამის გაკეთება შეიძლება“, - განაცხადა ჭირაქაძემ.