საქართველოს ელჩი ლევან ნიჟარაძე ნეპალში არსებულ ვითარებას ადგილზე ეცნობა. ის ადგილზე მყოფი საქართველოს მოქალაქეების შესახებ დეტალურ ინფორმაციას მიიღებს.

როგორც ნიჟარაძე ამბობს, ნეპალში მყოფი საქართველოს ყველა მოქალაქე ჯანმრთელია და თავს უსაფრთხოდ გრძნობს.

ნეპალში მყოფი ქართველი ტურისტები ქვეყანას 30 აპრილს დატოვებენ.

ნეპალში 7,9 მაგნიტუდის სიმძლავრის მიწისძვრა შაბათს დილით მოხდა. განმეორებითი 6.7 მაგნიტუდის კი კვირას დაფიქსირდა. ბოლო 80 წლის განმავლობაში ნეპალში მსგავსი სიძლიერის მიწისძვრა სამხრეთ აზიაში არ დაფიქსირებულა.

ნეპალის შინაგან საქმეთა სამინისტროს განცხადებით, მიწისძვრის შედეგად გარდაცვლილმა რიცხვმა 4 000-ს გადააჭარბა, დაშავებულია 7000-ზე მეტი ადამიანი. განადგურებულია ინფრასტრუქტურა. მსხვერპლია მეზობელ ქვეყნებშიც.

ნეპალის ხელისუფლების გადაწყვეტილებით, დაავადების თავიდან აცილების მიზნით მიწისძვრის შედეგად დაღუპულთა მასობრივი კრემაცია დაიწყო.