ხვალ პოლიტიკურ-საზოგადოებრივი ჯგუფები ევროატლანტიკური ფორუმის პირველ კონფერენციას გამართავენ

პოლიტიკა - 21:01, 27 Apr, 2015

1102

ხვალ, 28 აპრილს 10:00 საათზე სასტუმრო ,,ქორთიარდ მერიოტში“ საქართველოში ნატოს ოფისისა და რუმინეთის საელჩოს თანაორგანიზებით ევროატლანტიკური ფორუმი პირველ კონფერენციას გამართავს. კონფერნციას გახსნიან საქართველოში რუმინეთის ელჩი დიმიტრუ ბადეა და ევროატლანტიკური ფორუმის სახელით ბაჩუკი ქარდავა. კონფერენციის მუშაობაში მონაწილეობას მიიღებენ საქართველოს პრეზიდენტის ადმინისტრაციის, მთავრობის, საპარლამენტო და არასაპარლამენტო ოპოზიციისა და არასამთავრობო სექტორის წარმომადგენლები. კონფერენცია მთავარი სხდომის შემდეგ სამ სამუშაო ჯგუფად გაიყოფა, რომელსაც მოდერაციას გაუწევენ ევრიატლანტიკური ფორუმის წევრები, ექსპერტები თორნიკე შარაშენიძე, ირაკლი კობიძე. კონფერენციაზე საკუთარი მოხსენებით გამოვლენ, პრეზიდენტის მრჩეველი თენგიზ ფხალაძე, უშიშროების საბჭოს მდგივნის მოადგილე თეონა აქუბარდია, ,,ერთიანი ნაციონალური მოძრაობის“ ლიდერები გიორგი კანდელაკი და ზურაბ ჭიაბერაშვილი, საზოგადოება ივერიას ლიდერი გრიგოლ ვაშაძე, ევროპულ და ევროატლანტიკურ სტრუქტურებ-ში ინტეგრაციის საკითხებში სახელმწიფო მინისტრის პირველი მოადგილე არჩილ ყარაულაშვილი, ,,რეფორმატორთა კლუბის“ ხელმძღვანელი დიმიტრი შაშკინი და სხვები.