ევროკავშირის ელჩი საქართველოში იანოშ ჰერმანი ამბობს, რომ აღმოსავლეთის პარტნიორობა ვინმეს წინააღმდეგ მიმართული არ არის.

ამის შესახებ ჰერმანმა რუსეთის საგარეო საქმეთა სამინისტროს წარმომადგენელის, ალექსანდრე ლუკაშევიჩის განცხადების კომენტირებისას განაცხადა.

"აღმოსავლეთ პარტნიორობა ვინმეს წინააღმდეგ არ არის მიმართული. ასევე, მინდა აღვნიშნო, რომ აღმოსავლეთ პარტნიორობის ერთ-ერთ მიზანს ევროპაში გამყოფი ხაზების გაუქმებაა. ევროკავშირისა და აღმოსავლეთ პარტნიორობის ქვეყნების საერთო ინტერესებიდან გამომდინარე, ჩვენ დიდ ყურადღებას ვუთმობთ, რომ რიგის სამიტი წარმატებული იყოს“, - განაცხადა ჰერმანმა.

რუსეთის საგარეო სამინისტროს ოფიციალური წარმომადგენლის ალექსანდრ ლუკაშევიჩის თქმით, „აღმოსავლეთ პარტნიორობასთან" დაკავშირებით რეაქცია საკმაოდ მკაცრი იქნება.