ბიზნესმენ არჩილ ვეკუას და მისი ადოკატების ინფორმაციით, შვეიცარიის ელჩი გიუნტერ ბეხლერი თურქ ბისნესმენს ალი რიზა კიზილდაგს მფარველობს, რომესაც ქართულმა სასამართლომ ვეკუას სასარგებლოდ 313 000 ლარის გადახდა დააკისრა.

ამის შესახებ ბიზნესმენმა და ადვოკატმა დღეს გამართულ პრესკონფერენციაზე განაცხადეს.

მათი ინფორმაციით, სწორედ ამ ფაქტს უკავშირდება ბეხლერის მიერ გაკეთებული განცხადებები სასამართლო სისტემაში არსებულ შესაძლო კორუფციასთან დაკავშირებით.

„დავა არჩილ ვეკუასა და ალი რიზა კიზილდაგს შორის საქმიანი ურთიერთობიდან გამომდინარე წარმოიშვა. 2015 წლის 2 მარტს ზუგდიდის რაიონულმა სასამართლომ არჩილ ვეკუა გაამართლა. სწორედ აღნიშნულმა ფაქტმა გამოიწვია შვიცარიის ელჩის გააქტიურება. ორი წლის წინ მოუწოდეთ შვეიცარიის საელჩოს, რომ ამ საქმეში ჩარევისგან თავი შეეკავებინა. ალი რიზა კიზილგადი არის შვეიცარიის რეზიდენტი და გიუნტერ ბეხლერთან კარგი ურთიერთობები აქვს. შვეიცარიის ელჩის დაუსაბუთებელი განცხადებები სხვა არაფერია, თუ არა სააპელაციო სასამართლოზე ზეგავლენის მოხდენის მცდელობა, რათა არჩილ ვეკუას მიმართ დამდგარი გამამართლებელი განაჩენი შეიცვალოს", - განაცხადა ადვოკატმა ამირან გიგუაშვილმა.

ბიზნმესმენი და ადვოკატები გიუნტერ ბეხლერთან შეხვედრისთვის მზადყოფნას გამოთქვამენ და იმედოვნებენ, რომ გიუნტერ ბეხლერი ალი რიზა კიზილდაგის მიერ არის არასრულყოფილად ინფორმირებული.