საგარეო უწყების პრესსპიკერის დავით კერესელიძის ინფორმაციით, ინდოეთში საქართველოს ელჩი ნეპალში არსებულ ვითარებას ადგილზე გაეცნობა.

მისი ინფორმაციით, ნეპალში საქართველოს მოქალაქეების ჯგუფი იმყოფება, რომლებიც ტურისტული მიზნებით არიან წასულები.

„ინდოეთში საქართველოს ელჩი, ჩავა ადგილზე და დეტალურად გვეცოდინება, თუ რამდენი ადამიანია იქ დარჩენილი. ჯერჯერობით არ გვაქვს ინფორმაცია, რომ საქართველოს მოქალაქეებს რაიმე საფრთხე ემუქრებათ. რა თქმა უნდა, მათ სჭირდება დახმარება, რომ გავარიდოთ იმ სტიქიურ ზონას. ჩვენ ასევე გვაქვს კავშირი ზოგიერთ მათგანთან, ასევე ნეპალში გაერო-ს ოფისში, სადაც ორი ქართველი მუშაობს", - განაცხადა კერესელიძემ.