თბილისის მერი დავით ნარმანია გეგი ნიჟარაძის თანამდებობიდან გათავისუფლებას საჭიროდ არ მიიჩნევს.

ამის შესახებ მან გადაცემა „განსხვავებულ აქცენტებში“ საუბრისას განაცხადა.

მისი თქმით, ოპოზიციური პარტიის ბრალდება არ ნიშნავს, რომ ეს ადამიანი აუცილებლად დამნაშავეა.

„ყველას მოვუწოდებ კანონმდებლობის დაცვისკენ. თუ ვინმეს რამე პრეტენზია აქვს მიმართოს შესაბამის ორგანოებს. მე არ ვთვლი, რომ მან უნდა დატოვოს თანამდებობა. ყველამ იცის, რომ მე ახირებული არ ვარ, ყოველთვის ვმსჯელობ და შესაბამის არგუმენტებს ვეყრდნობი, ამის შემდეგ ვიღებ გადაწყვეტილებას. ძალიან კარგად გავაანალიზე პროცესი რასთანაც გვქონდა საქმე და გეგი ნიჟარაძესთან დაკავშირებით სწორედ ამაზე დაყრდნობით მივიღე გადაწყვეტილება”, - განაცხადა დავით ნარმანიამ.