ლომჯარიას თუ რაიმე პრეტენზია აქვს შეუძლია დამირეკოს, მე მზად ვარ შევხვდე

ლომჯარიას თუ რაიმე პრეტენზია აქვს შეუძლია დამირეკოს, მე მზად ვარ შევხვდე - ნარმანია

პოლიტიკა - 11:40, 27 Apr, 2015

1141

თბილისის მერმა დავით ნარმანიამ გადაცემა „განსხვავებულ აქცენტებში“ მერიაში მიმდინარე საკონკურსო პროცესებში არასამთავრობო ორგანიზაციების ჩართულობაზე, პროცესების გამჭირვალობასა და სამართლიანად მიმდინარეობაზე ისაუბრა. მისი განმარტებით, მერიაში ჩატარებული კონკურსები - წესების დაცვით წარიმართა და ყველა არასამთავრობო ორგანიზაციას ჰქონდა საშუალება მონაწილეობა მიეღო მიმდინარე პროცესებში. რაც შეეხება საშტატო განრიგს, ეს არის საჯარო და ყველასთვის ხელმისაწვდომი ინფორმაცია.

მერმა არასამთავრობო ორგანიზაცია „სამართლიანი არჩევნების“ ხელმძღვანელ -ნინო ლომჯარიასაც მიმართა და უთხრა რომ მას შეუძლია ნებისმიერ დროს დაურეკოს და ისაუბრონ, ასევე გამოხატა მზადყოფნა შეხვედრისა და საკითხების გავლის შესახებ.

“ჩვენ არასამთავრობო ორგანიზაციები ჩავრთეთ პროცესში და მე მივიღე ამასთან დაკავშირებით პოლიტიკური გადაწყვეტილება. როცა მათ ჰქონდათ გარკვეული კითხვები ჯერ კიდევ საწყის ეტაპზე მე მათ შევხვდი და ვისაუბრეთ იმაზე თუ რა გვქონდა ჩვენ დაგეგმილი და ვუთხარი, რომ ჩვენ მზად ვიყავით მათი ამ პროცესში ჩართვისთვის. ისინი ესწრებოდნენ ამ პროცესს, ანუ ღებულობდნენ კომისიის საქმიანობაში მონაწილეობას, ისევე როგორც სვამდნენ კითხვებს აკეთებდნენ შესაბამის შეფასებებს. დღესაც ღიაა და გამჭვირვალეა პროცესები. ნინო ლომჯარიას შეუძლია აიღოს ტელეფონი, დამირეკოს და მითხრას თუ რაიმე პრეტენზია აქვს. მე მზად ვარ მათ შევხვდე და გავიარო ყველა საკითხი, თუმცა არის რიგი საკითხები რაც იქნება აუცილებლად სადაო. რაც შეეხება დანიშნული ხალხის სიას, ანუ ვინ მუშაობს, საშტატო განრიგი არის ღია და საშტატო განრიგი ჩვენ შეგვიძლია მათ მივაწოდოთ ამის პრობლემა ნამდვილად არ არის… მე ვნახავ რა წერილი გაიცა, ჩემი ხელმოწერით არ გაგზავნილა ეს წერილი” - განაცხადა დავით ნარმანიამ.