თბილისის მერი დავით ნარმანია ყოფილი პრემიერის განცხადებას ეხმაურება, სადაც ივანიშვილი მას მოუწოდებს საკუთარი მენეჯერული თვისებების უფრო მეტი ფორსირება მოახდინოს.

როგორც ნარმანიამ გადაცემა „განსხვავებულ აქცენტებში“ განაცხადა, ეს იყო ექსპრემიერის მიერ გამოთქმული მოსაზრება და არა - შენიშვნა.

„გირჩევთ, რომ მას ჩაეკითხოთ. მე ყოველთვის წინასწარ ვგეგმავ საქმეებს, თუ რა და როგორ გავაკეთო. ეს შენიშვნა არ ყოფილა, ეს იყო მისი მოსაზრება. შეიძლება სანამ გადაწყვეტილებას მივიღებ ბევრს ვფიქრობ, მაგრამ ამას იმიტომ ვაკეთებ, რომ არასწორი გადაწყვეტილება არ მივიღო. საზოგადოება ხშირად სწრაფ და ოპერატიულ გადაწყვეტილებებს იღებს. აქედან გამომდინარე ყოველთვის ვცდილობ, რომ დავაჩქარო გარკვეული პროცესები, მაგრამ ამ სიჩქარეში არ მინდა, რომ ისეთი გადაწყვეტილება მივიღო, რაც დედაქალაქს ზიანს მიაყენებს, ამიტომ ყოველთვის ოქროს შუალედს ვიჭერ”, - განაცხადა ნარმანიამ.