კოჟორიძემ და გიგაურმა წამების კადრებს დემონსტრაციულად არ უყურეს

კოჟორიძემ და გიგაურმა წამების კადრებს დემონსტრაციულად არ უყურეს - ივანიშვილი

პოლიტიკა - 11:15, 27 Apr, 2015

1695

ბიძინა ივანიშვილმა გადაცემა „კვირის 20/30“ –ში, არასამთავრობო ორგანიზაციების „საქართველოს ახალგაზრდა იურისტთა ასოციაციის“ და „საერთაშორისო გამჭვირვალობა - საქართველოს“ შესახებ ისაუბრა და აღნიშნა, რომ ისინი წარმატებული, გამოცდილების მქონე და გავლენიანი ორგანიზაციები არიან. სწორედ ამიტომ, ეს ორგანიზაციები, ივანიშვილის თქმით, სხვა არასამთავრობოებისგან განსხვავებით, ვინც წინა ხელისუფლების მხარდაჭერას არ მალავს, უფრო საშიში არიან.

ივანიშვილი თქმით ამ ორგანიზაციების ტენდეციურობის ეჭვები ჩნდება, ვინაიდან, მისი თქმით, "ზოგჯერ თუ ხშირად თანხვედრაში მოდიან ნაციონალური მოძრაობის აგიტაციასთან, სიცრუის მანქანასთან".

"გავიხსენოთ ის ცნობილი კადრები წამების, ადამიანის პირად ცხოვრებაზე, რაც ათიათასობით ჰქონდა ნაციონალურ მოძრაობას, რაზეც დავპატიჟეთ ჟურნალისტები და არასამთავრობო ორგანიზაციები. კოჟორიძე და გიგაურიც იქ იყვნენ, ლომჯარიაც, თუმცა მასზე ნაკლებად ვაკეთებ აქცენტს, რამეთუ უფრო მეტი კორექტულობა შემიმჩნევია მასში.

მათ დემონსტრაციულად მოითხოვეს, არ ეყურებინათ ეს კადრები. მეც არ მინახავს ისინი, არ დამაინტერესა, თუმცა მითხრეს, რომ იქ ვინმეს ამოცნობა შეუძლებელი იყო. ამავე დროს, მათ დაიწყეს კამპანია "ეს შენ გეხებას" ფარგლებში "ისევ გვისმენენ". ანუ ჯერ დახურეს თემა და მერე ისევ დაიწყეს, რომ გვისმენენ. მოხდა აქცენტების გადმოტანა". - განაცხადა ივანიშვილმა.