ივანიშვილის მაგალითი - ,,რუსთავი 2“ - ,,პარტაქტივის აგიტაცია ცოდვა არ არის“

პოლიტიკა - 22:26, 26 Apr, 2015

2264

არ არის დიდი ცოდვა, თუ ტელევიზია რომელიმე პარტიას უკეთებს აგიტაციას, მთავარია ეს მოხდეს საჯაროდ - ამის შესახებ "მოქალაქის" დამფულებელმა ბიძინა ივანიშვილმა გადაცემა 20/30-ის ეთერში მედიასტანდარტებსა და სიტყვის თავისუფლებაზე საუბრისას განაცხადა. მაგალითად კი ივანიშვილმა ,,რუსთავი 2“ მოიყვანა.

"პოლიტიკური გავლენები არ არის დიდი უბედურება, თუ ჩვენ ვიცით და ვაცხადებთ ამის შესახებ, ეს მედიასაშუალებების მეპატრონეების გემოვნების თუ მათი მოქალაქეობრივი ადგილის და დამოკიდებულების საქემა. ჩვენ გვაქვს კარგი შემთხვევა, რუსთავი 2-ის შემთხვევაში, როდესაც ის გახლავთ პარტიულ ტელევიზია პრაქტიკულად და თავის პარტაქტივს უკეთებს აგიტაციას და შესაბამისად ოპონენტს ამ პარტიისას მაქსიმალურად ცდილობს მისი გემოვნება არ მოახვიოს. ეს არ არის დიდი ცოდვა, ყველაზე დიდი ცოდვა გახლავთ ის რომ მასობრივი საშუალებები ხშირად ცრუობენ, სიცრუე არ უნდა იყოს. რაც არის და როგორც არის განვითარებულ სახელმწიფოებში, ხშირად ნახავთ რომ ერთი პარტიის გემოვნებაზეა რაღაც მედიასაშუალება მორგებული და მის აგიტაციას უფრო მეტად ახერხებს, შიძლება არსებობდეს სხვა მედიასაშუალება, განსხვავებული, მეორე პარტიის გემოვნებაზე აგებული სიმპატიებს გამოხატას, მაგრამ ყველა შემთხვევაში მსმენელმა თუ მკითხველმა იცის, რომ ისინი არ ცრუობენ. ჩვენ არ ვართ დაზღვეული ამისგან და ამის საუბედუროდ ისევ და ისევ წამყვანი ძალა გახლავთ ,,რუსთავი 2“ და ,,ტაბულა“, ის რაც შემორჩათ ნაციონალურ მოძრაობას... არ არის პობლემა ,,რუსთავი 2“-მა, რომ განაცხადოს და საზოგადოებამ უკვე იცის, რომ ეს არის პოლიტიკური პარტიის ტელევიზია არავითარი პრობლემა არ არსებობს ოღონდ სიცრუეს თავი დაანებოს ოღონდაც შეგნებულად ნუ აკეთებენ დისკრედიტაციას იმ ხელისუფლების, რომელიც მისსავე ქვეყანას ემსახურება, ეს კიდევ არაფერ პრობლემას არ შექმნის თუ არ იქნება სიცრუის ტურაჟირება, მთავარი პრობლემა და ყველაზე დიდი პრობლემა დღეს რაც არსებობს, არის სიცრუის ტირაჟირება" - განაცხადა ივანიშვილმა.