"ავლაბრის რეზიდენცია სააკაშვილის რეზიდენცია იყო"- ირაკლი კობახიძე

პოლიტიკა - 21:19, 25 Apr, 2015

2547

„ქართული ოცნების“ აღმასრულებელი მდივნის ირაკლი კობახიძის განცხადებით პრეზიდენტის რეზიდენციასთან დაკავშირებით მთავრობას სახელმწიფოებრივი პოზიცია აქვს, ახლა კი ჯერი პრეზიდენტზეა. აღნიშნულ თემაზე კობახიძემ „შაბათის ქრონიკის“ ეთერში ისაუბრა.

„პრეზიდენტმა გააკეთა ძალიან მკაფიო განცხადება. მან თქვა, რომ არც ერთ შემთხვევაში არ შევიდოდა რეზიდენციაში, ორი მიზეზის გამო: პირველი იყო ის, რომ რეზიდენცია მისთვის ასოცირდებოდა 9-წლიან რეჟიმთან და მეორე - ამ შენობაზე დაიხარჯა ძალიან დიდი რესურსი და ეს რესურსი აუცილებლად ხალხს უნდა დაბრუნებოდა. დასკვნა მარტივია: როდესაც ხდება ასეთი მკაფიო განცხადების გადათქმა, ასეთ დროს ორი რამ უნდა ვიფიქროთ - ან შეიცვალა პრეზიდენტის დამოკიდებულება 9-წლიანი რეჟიმის მიმართ, ან პრეზიდენტს აღარ ემეტება გარკვეული რესურსი ხალხისთვის დასაბრუნებლად“, -განაცხადა ირაკლი კობახიძემ.

„ქართული ოცნების“ აღმასრულებელი მდივნს თქმით ავლაბრის რეზიდენცია უშუალოდ პრეზიდენტ მიხეილ სააკაშვილის რეზიდენცია იყო.

„ავლაბრის რეზიდენცია სააკაშვილის რეზიდენცია იყო, აქ არის პრინციპული განსხვავება“, - აღნიშნა კობახიძემ და კომენტარი იმ მოსაზრებასტან დაკავშირებითაც გააკეთა, რომ ავლაბრის რეზიდენცია ექსპრემიერ ვანო მერაბიშვილისთვის მზადდებოდა:

„ვანო მერაბიშვილისთვის მზადდებოდა თუ არა, ეს კიდევ ცალკე საკითხია და გარკვეული ეჭვები შეიძლება გვქონდეს იმასთან დაკავშირებით, თუ რისთვის ამზადებდა სააკაშვილი ამ რეზიდენციას“, - განაცხადა კობახიძემ.