მოკული ბიზნესმენის ბესიკ ხარძიანის შვილი მიხეილ ხარძიანი მისი ბიძაშვილი გიორგი ხარძიანის მიერ სოციალურ ქსელში გამოქვეყნებულ მიმართვას ეხმაურება და ამბობს, რომ მას არანაირი ფრანგული ევროები არ აუღია.

ამის შესახებ ხარძიანმა „საზოგადოებრივი მაუწყებლის“ ეთერში განაცხადა.

„არანაირი ფრანგული ევროები არ ამიღია. ჩემი განვლილი ცხოვრება არსდროს ღირსება არ გამიყიდია. კარგად გახსოვს რიგში როგორ ედგა შენი ოჯახის წევრი უდესიანს ფულების სათხოვნელად. ისიც კარგად მახსოვს, მამიდაჩემი ფულს რომ სთხოვდა უდესიანს. როგორც ვიცი, მას შემოსავლებში დავალიანება ჰქონდა და დაუფარა ეს თანხა, ხარძიანის დედამ 20 ათასი აშშ დოლარი გამოართვა გია უდესიანს, გია ხარძიანი კი გვთხოვდა მე და ჩემ დას, რომ მივსულიყავით უდესიანთან და გამოგვერთმია 1 მილიონი დოლარი, საიდანაც მე და ჩემ დას რაღაცას მოგვცემა“, - ამბობს ხარძიანი.

მოკლული ბიზნესმენის ბესიკ ხარძიანის ძმისშვილი, გიორგი ხარძიანი გუშინ სოციალურ ქსელში ბესიკ ხარძიანის შვილების მიერ გაკეთებულ სკანდალურ განცხადებას გამოეხმაურა.

„ფულზე გაყიდულები!!! ტფუი, მიმიფურთხებია შენისთანა ბიძაშვილისთვის!!! რამის თქმა გინდა? მოდი და ოჯახში თქვი რა ტელევიზიებით ატრიალებ ენას?! ვიღაც იმუქრებოდა ბოლო ობოლი არ ვიქნებიო? მოგცეს პარიზული ევროები? განსხვავება ისაა, ჩვენ არ ვსაუბრობთ ყველაფერს! გვრცხვენიხარ ხარძიანებს! ხორცმეტი ხარ ხარძიანების და მთლიანი ოჯახის!“ - წერს გიორგი ხარძიანი სოციალურ ქსელში.