სოფელ დუისის გამგებელი იმ სქემაზე საუბრობს, რომლითაც ხეობის მოსახლეობის გადაბირება ხდება. რამაზ მანგოშვილი ამბობს, რომ ხეობაში უცნობი დაჯგუფება გამოჩნდა, რომელიც არასრულწლოვნებთან მართავს შეხვედრებს.

მისი თქმით, ჯგუფის წევრები ბიჭებს სირიაში წასვლას სთავაზობენ. გამგებლის ინფორმაციით, არასრულოწლოვნის გადაბირება სხდასხვა მეთოდით ხდება.

„სააშკარაოზე გამოვიდა ყველაფერი. ამას ხეობის ყველა მაცხოვრებელი გმობს. ჭაბუკის მოტყუებას დიდი არაფერი უნდა. ატყუებენ აგიტაციით. ეუბნებიან, რომ ამ ქვეყნად ცხოვრება არ ღირს და იმქვეყნად ყველაფერია“, - ამბობს მანგოშვილი „რუსთავი 2“-თან საუბრისას.

უცნობი ჯგუფის არსებობის შესახებ სოფელშიც საუბრიბენ და ამბობენ, რომ ძირითადად სკოლის მოსწავლეების გადაბირება ხდება.

„ჯგუფი, რომელიც ამ ბავშვებთან მუშაობენ, ფარულად მუშაობენ. ამიტომ მათი ვინაობა არ ვიცით“, - ამბობს ხეობის სოფლის ერთ-ერთი მაცხოვრებელი.