რუსეთთან ურთიერთობის საკითხებში პრემიერის სპეციალური წარმომადგენლის ზურაბ აბაშიძის თქმით, ალექსანდრ ლუკაშევიჩის განცხადება მთავრობის პოლიტიკაზე არ იმოქმედებს და რიგის სამიტისთვის მზადებას გააგრძელებს.

მისი თქმით, მოსკოვში ასეთი განცხადებები ხშირად კეთდება იმ კავშირებზე, რომელშიც თავად არ არიან ჩართულები.

„ჩვენს რუს კოლეგებს ზოგჯერ ჩვევიათ ხოლმე სამყაროს ასეთი აღქმა, რაშიც თვითონ არ მონაწილეობენ მაინცდამაინც მათ წინააღმდეგ არის მიმართული. როდესაც ეს პროექტი აღმოსავლეთ პარტნიორობა იქმნებოდა 2009 წელს რუსეთს შესთავაზეს მასში მონაწილეობის მიღება, მაგრამ არ მოინდომეს. ასემ, რომ ჯერ სამიტი არ ჩატარებულა და უკვე რაღაც განაჩენის გამოტანა ვფიქრობ არ არის სწორი. საქართველოს ხელისუფლების პოზიცია უნდა იყოს ის რომ გააგრძელოს მზადება რიგის სამიტისათვის“, - განაცხადა აბაშიძემ.

„ჩვენ დავაკვირდებით, როგორ წარიმართება რიგის სამიტი“- განაცხადა რუსეთის საგარეო სამინისტროს ოფიციალურმა წარმომადგენელმა ალექსანდრ ლუკაშევიჩმა და აღნიშნა, რომ მოსკოვს უკიდურესად უარყოფითი დამოკიდებულება აქვს „ აღმოსავლეთ პარტნიორობის“ გაფართოების პროგრამასთან დაკავშირებით.