პრემიერ-მინისტრი ბელორუსის პრეზიდენტის საქართველოში ვიზიტს წარმატებულს და მნიშვნელოვანს უწოდებს. ამის შესახებ ირაკლი ღარიბაშვილმა მთავრობის სხდომაზე განაცხადა.

მისი თქმით, მედიაში ლუკაშენკოს განცხადებასთან დაკავშირებით სპეკულაციები დაიწყო. როგორც პრემიერმა აღნიშნა, ბელორუსიის პრეზიდენტს არავითარი გზავნილი არ ჩამოუტანია.

„მედიაში გაისმა რაღაც კითხვები და სპეკულაციები დაიწყო. არავითარი დაფარული ჩვენ არ გვქონია, არავითარი გზავნილი ბატონ ლუკაშენკოს არ ჩამოუტანია, ყველაფერი იყო აბსოლუტურად საჯარო და გამჭვირვალე. ეს იყო ძალიან მეგობრული ვიზიტი. მიმაჩნია, ძალიან კარგი საფუძველი ჩაეყარა ჩვენს ქვეყნებს და ხალხებს შორის ურთიერთობის გაღრმავებას“, - განაცხადა პრემიერმა.