ირაკლი ღარიბაშვილი გურჯაანში მომხდარ ინციდენტს "ნაციონალების" პროვოკაციას უწოდებს

პოლიტიკა - 12:14, 24 Apr, 2015

1505

მთავრობის სხდომაზე პრემიერ-მინისტრმა ირაკლი ღარიბაშვილმა განაცადა, რომ გურჯაანში მომხდარი ინციდენტი „ნაციონალური მოძრაობის“ მიერ იყო პროვოცირებული. ირაკლი ღარიბაშვლის თქმით, ნეპოტიზმის და კორუფციის ფაქტები გურჯაანის რაიონში არ არსებობს და თუ ოპოზიციას კითხვები გააჩნია, მათ შეუძლიათ შესაბამის ორგანოებს მიმართონ.

„ეს იყო პროვოცირებული ე.წ ოპონენტების, ოპოზიციის მხრიდან. ძალიან ცუდია, რომ ასე უხეშად და ასეთი დესტრუქციული მეთოდებით სცადეს რაიონის გამგეობის მუშაობის შეფერხება და პარალიზება. სამწუხაროა, რომ ადგილობრივი მოსახლეობის რეაქცია იყო საკმაოდ მძაფრი და მწვავე, მაგრამ ყველას კარგად გვახსოვს, თუ რა პირობებში ცხოვრობდა მოსახლეობა. რეაქცია არის ჩვენთვის მიუღებელი, მაგრამ მეორე მხრივ, მათი აგრესია არის გასაგები. ეს არის ხელოვნური, არავითარი კორუფციის და ნეპოტიზმის ფაქტები იქ არ არსებობს, თუ არის მსგავსი რამ, ამას შეისწავლიან და მოახდენენ რეაგირებას შესაბამისი უწყებები,“-განაცხადა ირაკლი ღარიბაშვილმა.

შეგახსენებთ, რომ გურჯაანის რაიონის გამგეობაში „ნაციონალური მოძრაობის“ წევრებსა და ხელისუფლების მომხრებს შორის ფიზიკური დაპირისპირება მოხდა. „ნაციონალური მოძრაობის“ წევრებს კვერცხები ესროლეს.