მოკლული ბიზნესმენის ბესიკ ხარძიანის შვილის ანა ხარძიანის ინფორმაციით, მაია ხარძიანს გარდაცვლილის მეუღლემ, ეკა ნონიკაშვილმა სთხოვა, რომ მკვლელობაში ბრალდებულად გია უდესიანი დაესახელებინა.

ამის შესახებ ბესიკ ხარძიანის შვილმა დღეს გამართულ პრესკონფერენციაზე განაცხადა.

„ეს იყო სახლის კულუარები, რომელიც გარეთ არ გამოდის. სახლში ყველა ოჯახის წევრი მკვლელობას ამ ქალს აბრალებს. 5 წუთის გარდაცვლილზე, როდესაც მამიდაჩემმა ინტერვიუ მოგცათ და მკვლელად გია უდესიანი დაასახელა, ვკითხე, მამიდა ნამდვილად მან მოაკვლევინათქო? მან მითხრა, ეკას ვუთხარი ჟურნალისტები მოვიდნენ და რა ვუთხრაო და სწორედ მან მითხრა, რომ გადი და უდესიანი ახსენეო“, - განაცხადა ანა ხარძანმა.

შეგახსენებთ ბესიკ ხარძიანის პირველი ოჯახის წევრები მომხდარში ბიზნესმენის მეორე მეუღლეს ადანაშაულებენ. მათი ინფორმაციით, მკვლელობა სწორედ ეკა ნონიკაშვილმა შეუკვეთა.