შვეიცარიის ელჩის განცხადებებს რეაგირების გარეშე ვერ დავტოვებდით

შვეიცარიის ელჩის განცხადებებს რეაგირების გარეშე ვერ დავტოვებდით - ხიდაშელი

პოლიტიკა - 13:37, 23 Apr, 2015

1411

საპარლამენტო უმრავლესობის წევრმა თინა ხიდაშელმა განაცხადა, რომ ის რაზეც შვეიცარიის ელჩი საუბრობს არის საკითხი სადაც ყველანაირი წითელი ხაზი გადის და რაც რეაგირების გარეშე ვერ დარჩებოდა. ხიდაშელმა განაცხადა, რომ გიუნტერ ბეხლერმა ერთი კონკრეტული ფაქტის შესახებ ისაუბრა და ამ ფაქტის გამოძიება მნიშვნელოვანია.

საპარლამენტო უმრავლესობის წევრმა გამოთქვა სურვილი, რომ გამოსწორდეს კანონმდებლობაში არსებული ხარვეზები, რომელიც ფინანსურ პოლიციას საშუალებას აძლევს 6 თვის განმავლობაში ერთი კონკრეტული საწარმოს შემოწმება განახორციელოს.

"ჩემთვის ეს იყო ძალიან მნიშვნელოვანი შეხვედრა. მე და გიგლა აგულაშვილმა ვთხოვეთ, ელჩს მოეწოდებინა დეტალური ინფორმაცია არა მხოლოდ ახლა და გამოგვიყენონ ერთგვარი ცხელი ხაზივით საჭიროების შემთხვევაში, თუკი მათ ექნებათ კონკრეტული პრობლემის შესახებ ინფორმაცია. შევთანხმდით იმაზე, რომ შვეიცარიის ელჩი ფასილიტაციას გაუწევს პარლამენტის კომიტეტების შეხვედრას ინვესტორებთან. რომ ერთი მხრივ, ვისაუბროთ კონკრეტულ პრაქტიკაზე, თუ როგორ ხდება კანონის აღსრულება და მეორე მხრივ, გამოვხატოთ მზადყოფნა საჭიროების შემთხვევაში კანონმდებლობაში ცვლილებების შეტანასთან დაკავშირებით, რომ გამარტივდეს ინვესტორების მოსაზიდად პროცედდურები.

მას ერთი კონკრეტული საკითხის თაობაზე შეხვედრა ჰქონდა უზენაესი სასამართლოს თავმჯდომარესთან და საკითხი გარკვევის პროცესშია. ჩემთვის როგორც დეპუტატისთვის ეს კონკრეტული შემთხვევა მნიშვნელოვანია, მაგრამ უფრო მნიშვნელობანია, რომ არ არსებობდეს კანონმდებლობაში არცერთი ხარვეზი, რომელიც ფინანსურ პოლიციას აძლევს შესაძლებლობას 6 თვიანი შემოწმება ჩაატაროს. ცნობილია, რომ ფინანსური პოლიცია რომელიმე კომერციულ დაწესებულებაში შედის, იქედან აღარ მიდის და ეძებს რაღაცას, გაუგებარია რას", - განაცხადა თინა ხიდაშელმა.