ბელორუსის პრეზიდენტის თქმით, მიუხედავად იმისა, რომ საქართველომ დსთ დატოვა, საქართველოსა და ბელორუსს შორის თავისუფალი ვაჭრობის რეჟიმი ისევ არსებობს.

ამის შესახებ ალექსანდრე ლუკაშენკომ გიორგი მარგველაშვილთან შეხვედრის შემდეგ გამართულ ერთობლივ პრესკონფერენციაზე განაცხადა.

მისი თქმით, საქართველო ბელორუსისთვის მთელს კავკასიაში პოტენციურ და პერსპექტიულ პარტნიორს წარმოადგენს.

"ჩვენ არასოდეს გვიღალატია თქვენთვის, ურთულეს სიტუაციებშიც კი. მაქსიმალურად ეფექტურად უნდა გამოვიყენოთ ბელარუსის ურთიერთობა საბაჟო კავშირთან. გონიერი ადამიანები ყოველთვის მოძებნიან თანამშრომლობის ფორმას ურთულეს პერიოდშიც კი. ღმერთმა გვითხრა, რომ სავაჭრო და ეკონომიკური ურთიერთობები მაქსიმალურად უნდა დავარეგულიროთ... აქ გამართულ შეხვედრებზე ერთობლივი საწარმოების გახსნაზე შევთანხმდით. ჩვენ მზად ვართ საქართველოს ტექნიკის, ტრანსპორტის და სამედიცინო პრეპარატების კუთხით დახმარება გაუწოთ“, - განაცხადა ლუკაშენკომ.