"ზომებია გასატარებელი"- ჯავახიშვილს ტენდერებთან დაკავშირებით კითხვები აქვს

პოლიტიკა - 16:41, 22 Apr, 2015

1606

რეგიონული განვითარებისა და ინფრასტრუქტურის მინისტრის ნოდარ ჯავახიშვილის განცხადებით, მას მინისტრის მოადგილედ მუშაობის პერიოდში უწყებაში ჩატარებულ ტენდერებთან დაკავშირებით გარკვეული კითხვები ქონდა. მისი თქმით, რადგანაც აღნიშნულ ტენდერებში ერთი კომპანია იმარჯვებდა, მას გარკვეული კითხვები ჰქონდა პროიცესის გამჭვირვალობასთან დაკავშირებით.

როგორც ნოდარ ჯავახიშვილი აცხადებს მინისტრის პოსტზე მუშაობისას ის ტენდერენთან დაკავშირებულ დამოკიდებულება შეცვლის, რათა პროცესი გამჭვირვალე გახდეს და საზოგადოებაში კორუფციასთან დაკავშირებით კითხვები არ არსებობდეს.

„ყველაფერს გავაკეთებ გუნდთან ერთად, რომ ვარდნა არ იყოს. ზრდაზე ცოტა რთულია დღეს საუბარი, თუმცა მთავარია, რომ პროცესი იყოს უფრო გამჭვირვალე, უფრო სამართლიანი და უფრო ეფექტურად დაიხარჯოს სახელმწიფო სახსრები“, - განაცხადა ნოდარ ჯავახიშვილმა.

ჯავახიშვილის ინფორმაციით, იმის გამო რომ ტენდერებში მხოლოდ ერთი კომპანია მონაწილეობდა ბოლო სამი კვირის განმავლობაში, სამი-ოთხი ტენდერი ჩაშალა.

„რაც მთავარია არ იყო არგუმენტი, თუ რატომ შეიძლება აქ ერთი მონაწილე იყოს. ეს საკითხი შესასწავლია და რაღაც ზომებია გასატარებელი, რომ ეს არაკონკურენტუნარიანი გარემო შეიცვალოს“, - აღნიშნა რეგიონული განვითარების მინისტრმა.

ნოდარ ჯავახიშვილი რეგიონული განვითარებისა და ინფრასტრუქტურის მინისტრად გუშინ დაინიშნა, ამ პოსტზე მან დავით შავლიაშვილის შეცვალა, რომელმაც თანამდებობა საკუთარი განცხადების საფუძველზე დატოვა.