გურჯაანის გამგებელი გივი გერგიძე ნეპოტიმზსა და კორუფციასთან დაკავშირებით "ნაციონალური მოძრაობის" ბრალდებას უარყოფს.

მისი თქმით, ანტიკორუფციული კომისიის წინააღმდეგ სარჩელის შეტანას გეგმავს.

„ეს ინფორმაცია არ არის სიმართლე, ქუმსიაშვილი ჩემი დეიდაშვილი არ არის, თუ ამ ნათესაურ კავშირს დამიმტკიცებენ - გამეხარდება კიდეც, რადგან ერთ ნათესავს შევიძენ. არც ლალი ხაჩიშვილი არ არის ჩემი ნათლული. მე მაქვს სარჩელი გამზადებული, რომელსაც ხვალ შევიტან, რაც შეეხება განცხადებას, რომ მე კორუფციაში ვარ გახვეული - ამ საკითხზე ირმა ნადირაშვილს საქვეყნოდ მოუწევს ბოდიშის მოხდა“, - განაცხადა გივი გერგიძემ.

რუსუდან ქიმერიძე