თბილისის მერი იმ კომპანიებს აკრიტიკებს, რომლებიც დედაქალაქში ინფრასტრუქტურულ სამუშაოებს ასრულებენ.

დავით ნარმანიას თქმით, არის შემთხვევები, როდესაც კომპანიები, რომლებსაც გაყავთ ქალაქში სადენები და მილები კვირების განმავლობაში ამოღებულ თხრილებს ასევე ტოვებენ.

"თუ აქვთ საქმის კეთების თავი, აკეთონ საქმე ისე, როგორც საჭიროა. სხვა შემთხვევაში, ის რაც ჩვენი ბრალი არ არის არ უნდა დავიბრალოთ. ყველამ თავისი წილი პასუხისმგებლობა უნდა აიღოს", - განაცხადა დავით ნარმანიამ.