პრეზიდენტის მრჩევლის კახა კოჟორიძის განცხადებით, ბიძინა ივანიშვილს სურს პრეზიდენტმა გააკეთოს ის, რაც მას სურს.

ამის შესახებ კოჟორიძემ გადაცემა „არჩევანში“ ათონელის რეზიდენციის გარშემო ატეხილი აჟიოტაჟზე საუბრისას განაცხადა.

„დღეს ყოფილმა პრემიერ-მინისტრმა კიდევ ერთხელ გააკეთა განცხადება "ჭარბ ფართზე" და აღნიშნა, რომ ამხელა ფართი პრეზიდენტის ადმინისტრაციისთვის საჭირო არ არის. ივანიშვილმა თქვა ისიც, რომ თამაშის წესებს ყველა, მათ შორის პრეზიდენტიც, უნდა დაემორჩილოსო. ეს ის თამაშის წესებია, რასაც სწორედ თავად ბატონი ბიძინა ადგენს. ივანიშვილი ადგენს თამაშის წესებს და მას სურს, პრეზიდენტმა გააკეთოს ის და იყოს იქ, როგორც მას სურს", - განაცხადა კახა კოჟორიძემ.