„ივანიშვილი, თავის კოალიცია „ქართული ოცნება“-სთან ერთად, არის ქვეყნის დაკნინებისა და ყველანაირი საცოდაობის სათავე, - ამბობს „ფეისბუქის“ პირად გვერდზე გამოქვეყნებულ პოსტში პოეტი დავით დეფი.

დავით დეფი: „საქართველო არასდროს განვითარდება, ის დეგრადაციას კიდევ უფრო დიდი ტემპით გააგრძელებს სანამ ივანიშვილი ღრმად დარწმუნებული იქნება, რომ მოვლენილი გურუა, სანამ პრეზიდენტს მოუწოდებს შენობის დასატოვებლად, სანამ თავის ე.წ. წესებს სახელმწიფო თამაშის წესებად წარმოაჩენს, სანამ ამბობს რომ საქართველო გაჭირვებული ქვეყანაა, სანამ ის პასუხისგების გარეშე განზემდგარი, ნიშნავს ან ხსნის მინისტრებს და ეს ქვეყანაში უკვე დიდი ხანია ნორმაა.

ივანიშვილი, თავის კოალიცია „ქართული ოცნება“-სთან ერთად, არის ქვეყნის დაკნინებისა და ყველანაირი საცოდაობის სათავე. ასეთი ყოფით, საქართველოს არა თუ ის მომავალი არ აქვს, რომელსაც პროგრესული საზოგადოება ინატრებდა, არამედ საერთოდ მომავალი არ აქვს, როგორც დამოუკიდებელ ევროპულ სახელმწიფოს“.