აფხაზი უხუცესები დეფაქტო პარლამენტის სხდომაზე არ დაუშვეს

აფხაზი უხუცესები დეფაქტო პარლამენტის სხდომაზე არ დაუშვეს - პროტესტი ხაჯიმბას

პოლიტიკა - 17:09, 21 Apr, 2015

1893

აფხაზეთის დე-ფაქტო ხელისუფლებამ, ურთიერთგაცვლილთი პროგრამის საფუძველზე, სოხუმის სახელმწიფო უნივერსიტეტის სტუდენტებს მოსკოვში უფასო სწავლა შესთავაზა. პირველადი მონაცემებით მოსკოვში 200 სტუდენტი სექტემბერში წავა. სავალდებულოა, რომ ისინი ეროვნებით აფხაზები იყვნენ და ცხოვრობდნენ გალის, სოხუმის და ოჩამჩირის ტერიტორიაზე.

როგორც ცნობილია, განცხადება გაცილებით მეტმა ახალგაზრდამ შეავსო, ამიტომ უფასო პროგრამაში კიდევ 70 აფხაზი სტუდენტი ჩასვეს.

თითოეული სტუდენტის სწავლას რუსეთის პრეზიდენტი საკუთარი ფონდიდან დააფინანსებს.

ადგილობრივების ინფორმაციით, ხდება პრორუსული იდეით იმ ახალგაზრდების აღზრდა, რომლებიც გალიდან არიან და სწავლობენ სოხუმში.

აღნიშნულ ფაქტს აფხაზთა უხუცესები ეხმაურებიან და აცხადებენ, რომ ეს შერჩევითი პოლიტიკა აფხაზეთს არ წაადგება. ისინი დე-ფაქტო პარლამენტის დღევანდელ სხდომაზე დასწრებას მოითხოვეს, თუმცა ხაჯიმბამ ამ მოთხოვნაზე უარი თქვა.

დღევანდელი მდგომარეობით 270 სტუდენტს უკვე დაფინანსებული აქვს მოსკოვის სხვადასხვა უნივერსიტეტიში სწავლა. აქედან 182 ბავშვი გალის და ოჩამჩირის რაიონის მცხოვრებია ქართველი მოსახლეობაა. როგორც ცნობილია, ადგილობრივმა ხელისუფლებამ ოჯახის წევრებს განუმარტა, რომ თუ ისინი საქართველოში გადავლენ სასწავლებლად ოჯახებს პრობლემები შეექმნებოდათ.