ყოფილმა პრემიერმა ბიძინა ივანიშვილმა დავით შავლიაშვილის გადადგომის შესახებ ჟურნალისტებისგან გაიგო.

ამის შესახებ ივანიშვილმა რამდენიმე წუთის წინ განაცხადა.

"არ ვიცი, არაფერი გამიგია. ახლა გავიგე პირველად", - განაცხადა ივანიშვილმა და განმარტა, რომ შავლიაშვილის თანამდებობის დატოვების მიზეზზე არაფერი იცის.

საქართველოს რეგიონული განვითარებისა და ინფრასტრუქტურის მინისტრმა დავით შავლიაშვილმა თანამდებობიდან გადადგომის თხოვნით საქართველოს პრემიერ-მინისტრს დღეს მიმართა.

გადაწყვეტილება მინისტრ დავით შავლიაშვილის ჯანმრთელობის მდგომარეობის გაუარესებამ გამოიწვია.