"ქართული ოცნების" აღმასრულებელი მდივნის ირაკლი კობახიძის განცხადებით, პრეზიდენტის უფლებამოსილებები ათონელის რეზიდენციას შეესაბამება.

ამის შესახებ კობახიძემ ჟურნალისტებთან საუბრისას განაცხადა.

„პრეზიდენტის უფლებამოსილებებს სწორედ ათონელის რეზიდენცია შეესაბამება. არსებული რეზიდენცია გათვლილი იყო ერთგვარ სუპერ პრეზიდენტზე ანუ საპრეზიდენტო რესპუბლიკის მმართველზე. შესაბამისად გაჩნდა შეუსაბამობა, მას შემდეგ რაც შეიცვალა კონსტიტუცია. დღევანდელი მოდელით, პრეზიდენტი აღარ არის საპრეზიდენტო რესპუბლიკის მმართველი, ის არის არსებითად საპარლამენტო სისტემის მეთაური, შესაბამისად, რეზიდენციაც უნდა შეესატყვისებოდეს მის ახალ სტატუსს და კომპეტენციებს“, - აცხადებს კობახიძე.