გურჯაანის მაჟორიტარი დეპუტატის გიორგი ღვინიაშვილის ბიუროს კარზე ცოტა ხნის წინ ცოცხი გააკრეს. ასევე ბიუროს შესასვლელთან გაკრული იყო ბანერები წარწერით - „ძირს ნაციონალების სექტა“, „მოშორდეს ღვინიაშვილი“ და ასე შემდეგ.

გამგეობაში ვერ აკონკრეტებენ ვინ გააკრა შეურაცხმყოფელი ბანერები დეპუტატის ბიუროს კარზე.

ამ წუთებში ადგილზე „ქართული ოცნების“ აქტივისტები იკრიბებიან. ცოტა ხნის წინ დეპუტატმა გიორგი ღვინიაშვილმა განაცხადა, რომ მისი ბიურო ბლოკირებულია. მისი ინფორმაციით, ადგილობრივი ხელისუფლების წარმომადგენლები ხალხს ავალებენ, რომ ფიზიკურ დაპირისპირებაზე გადავიდნენ „ნაციონალური მოძრაობის“ წევრებთან.

შეგახსენებთ, გურჯაანის გამგეობაში სიტუცია მას შემდეგ დაიძაბა, რაც გუშინ მუშაობა დაიწყო "ნაციონალური მოძრაობის" მიერ შექმნილმა ანტიკორუფციულმა კომისიამ.