აღმოსავლეთ პარტნიორობის რიგის სამიტზე საქართველოს პრემიერ-მინისტრი წარმოადგენს. ამის შესახებ პრეზიდენტის მრჩეველმა თენგიზ ფხალაძემ განაცხადა.

მისი თქმით, რიგის სამიტთან დაკავშირებით ხელისუფლების ყველა შტოს ძალიან ინტენსიური ჩართულობაა.

როგორც ფხალაძე ამბობს, თავად პრეზიდენტი აქტიურად არის ჩართული ამ პროცესებში.

„ პრეზიდენტი მიიჩნევს, რომ ამ შემთხვევაში მნიშვნელოვანია და ქვეყნისთვის უფრო აჯობებს, იქ წარმოდგენილი იყოს მთავრობა, შესაბამისად რიგაში გაემგზავრება პრემიერ-მინისტრი", - განაცხადა თენგიზ ფხალაძემ.