„ნაციონალური მოძრაობის“ წევრმა გიორგი კანდელაკმა ევროსაბჭოს საპარლამენტო ასამბლეის სესიაზე სიტყვით გამოსვლისას „ქართული ოცნების“ 2 წლიან მმართველობაზე ისაუბრა.

მისი თქმით, ქვეყანას ბიძინა ივანიშვილი არაფორმალურად მართავს.

„ივანიშვილმა ბრალი დასდო წამყვან არასამთავრობოებს, მათ შორის, „საერთაშორისო გამჭვირვალობას“, როგორც თვითონ ამბობს „სიცრუის გავრცელებაში“. მათ საქმიანობის შესწავლით დაემუქრა. გასული წლის რეზოლუციის მოთხოვნათა საპირისპიროდ, მეტი პოლიტიკური ლიდერი იმყოფება წინასწარ პატიმრობაში და კიდევ უფრო მეტ ძალადობას ჰქონდა ადგილი. საქართველოს დამარცხება ევროპისთვის წამგებიანია. ამიტომ გთხოვთ დაეხმაროთ ჩემს ქვეყანას გადალახოს ეს უკუსვლა. უშველეთ საქართველოს რომ ის არ დაბრუნდეს წარსულში“, - განაცხადა გიორგი კანდელაკმა.