„ნაციონალური მოძრაობის“ წევრი ნიკა მელია გურჯაანის გამგეობაში მიმდინარე მოვლენებზე პასუხისმგებლობას ყოფილ და მოქმედ პრემიერებს აკისრებს.

ამის შესახებ განცხადება მან გურჯაანში გააკეთა, სადაც ცოტა ხნის წინ ზურაბ ჯაფარიძესთან ერთად ჩავიდა.

„საქმე გვაქვს ვითარებასთან, როდესაც ღარიბაშვილი ამ მდგომარეობით ხალისობს და მისი დავალებით გუბერნატორი და გამგებელი, ასევე გამგეობის თანამშრომლები კვერცხებით მომარაგებული შემოვიდნენ ოფისში. მათ თუ ჰგონიათ, რომ ამ გეგმაზე ხელს აგვაღებინებენ ცდებიან უახლოეს პერიოდში წარუდგენთ მასალას საზოგადოებას, რომელიც ამხელს გუბერნატორს და გამგეობის თანამშრომლებს. აქ ყველაზე სამწუხარო ის არის, რომ ამით კმაყოფილია ბატონი ივანიშვილი“, - განაცხადა მელიამ.

შეგახსენებთ, გურჯაანის გამგეობაში დილიდან პოლიციაა მობილიზებული. ისინი გამგებელმა იმ დროს გამოიძახა, როდესაც მოქალქეებს იღებდა. ცოტა ხნის წინ კი გურჯაანის მაჟორიტარი დეპუტატის ბიუროს, სადაც "ნაციონალური მოძრაობის" ანტიკორუფციული კომისიაა განთავსებული, კვერცხები ესროლეს.