სირიიდან აფხაზეთში – დეფაქტო რეჟიმი სირიელი დევნილების აფხაზეთში ჩასახლებას გეგმავს?

პოლიტიკა - 12:17, 21 Apr, 2015

2243

აფხაზეთის დე-ფაქტო ხელისუფლება სირიიდან დევნილების ჩამოსახლებას გეგმავს. წყაროს ცნობით, გადაწყვეტილება მარიონეტულმა რეჟიმმა ამ დღეებში მიიღო, რომლის თანახმადაც სოხუმში, შრომასა და ტყვარჩელში სირიიდან დევნილ იმ მოსახლეობას ჩაასახლებს, რომლებიც იქ არსებული ვითარების გამო უსახლკაროდ დარჩნენ. ,,ნიუპოსტის" ინფორმაციით, მარიონეტული რეჟიმი გეგმავს იმ აფხაზური ოჯახებისთვის თავშესაფრის მიცემას, რომლების რუსეთის იმპერიის დროს, მე-19 საუკუნეში სირიაში იქნენ გადასახლებული. როგორც ცნობილია, აფახაზეთის დეფაქტო ხელისუფლება დიდი ხანია ცდილობს სირიელი აფხაზების მოპატიჟებას.

„ნიუპოსტის“ ინფორმაციით, მათ ქართველების მიტოვებულ სახლებში ჩაასახლებენ. ასევე დე-ფაქტო პარლამენტმა საგანგებო შეკრებისას მიიღო დებულება, რომლის მიხედვით სირიიდან დევნილებს უფლება ეძლევათ, რომ ოჯახებით ჩამოვიდნენ აფხაზეთში და მათ საკუთრებაში ახლად აშენებული საცხოვრებელი სახლებიც გადაეცემათ.

ეს გადაწყვეტილება ხაჯიმბა-პუტინის ოფიციალურ შეხვედრაზე განხულულ იქნა, როგორც საიდუმლო საკითხი. დეფაქტო მთავრობა აღნიშნულ ფაქტს ამ დრომდე არ ახმაურებს. თავის დროზე საუბარი იყო თურქეთში მცხოვრები აფხაზების ჩამოსახლებაზეც, თუმცა რუსეთის ამ ფაქტს ეწინააღმდეგებოდა, გამომდინარე იქიდან, რომ შესაძლოა ამას თურქეთის გავლენის გაზრდა გამოეწვია, ხოლო სანაცვლოდ მხარს უჭერდა სირიელი აფხაზების ჩამოსახლებას, გამომდინარე იქიდან, რომ სირიის მოსახლეობა ზოგადად, პრორუსული განწყობის იყო. ბაღაფშის მმართველობის პირობებში რამდენიმე ათეული ოჯახი გულირიფშის რაიონში იყო ჩასახლებული.

აფხაზეთში მცხოვრებლები პირად საუბრებში ამ ფაქტს აპროტესტებენ. საუაბრია იმაზეც, რომ სირიიდან დევნილი მოსახლეობა ქართველების წინააღმდეგ იქნება გამოყენებული.