პანკისში ორგანიზაცია “პანიკსელი დედები შვილების გადასარჩენად“ იქმნება. ხეობის ადგილობრივები და თბილისში მცხოვრებლები ქისტი ქალები პანკისელი ახალგაზრდების სირიაში წასვლის წინააღმდეგ კონკრეტულ აქტივობებს გეგმავენ. ისინი შსს-ს მიერ დაწყებულ გამოძიებასაც ელოდებიან.

მათი თქმით, სპეციალურ მიმართვასაც შეიმუშავებენ და ხელისუფლებას გაუგზავნიან. როგორც ისინი ამბობენ, აუცილებელია, რომ პრობლემის მოგვარებაში ძალოვანი უწყების თანამშრომლები ჩაერთონ და საზღვარზე კონტროლი გაამკაცრონ.

„ნუღარ იტყვიან ასეთ აბსურდულ განცხადებას, რომ საზღვრის კვეთის დროს გაგვეპარა. ზოგადად ჩანს, რომ ეს ბავშვები ვინც რაიონშიც კი არ ჩასულან და თბილისი თვალით არ უნახიათ, სირიაში თავისით ვერ წავლენ. არის ვიღაც წამქეზებელი, მაგრამ არ ვინ არის. ვინც იცის ისიც კი არ ამბობს, რადგან გარკვეული შიში აქვთ“, - ამბობს პანკისელი ქალბატონი.