რაიონში ადგილი აქვს ნეპოტიზმს და სახელმწიფო ქონების გაფლანგვას

რაიონში ადგილი აქვს ნეპოტიზმს და სახელმწიფო ქონების გაფლანგვას - ღინიაშვილი

პოლიტიკა - 16:42, 20 Apr, 2015

1334

გურჯაანის რაიონში „ნაციონალური მოძრაობის“ მიერ შექმნილმა ანტიკორუფციულმა კომისიამ მუშაობა დაიწყო. კომისიის წევრებმა სურვილი გამოთქვეს დასწრებოდენ გამგეობაში მოქალაქეების მიღების პროცესს, რის შემდეგაც გამგეობის თანამშრომლებმა ადგილზე საპატრულო პოლიცია გამოიძახეს.

გურჯაანის გამგეობაში მომხდარ ინციდენტთან დაკავშირებით კომენტარი გააკეთა დეპუტატმა გიორგი ღვინიაშვილმა,

მისი თქმით, პროვოკაციას ადგილი არ ჰქონია და გამგებელი ხალხს პოლიციის უკან დაემალა.

„გურჯაანის რაიონის გამგებელმა პოლიცია გამოიძახა, მიმდინარეობდა მოქალაქეების მიღება როგორც გამგებელთან ასევე ჩვენთან. მასთან მოვიდა ხუთი, ექვსი კრიმინალური პოლიციის თანამშრომელი.. ჩვენ ვართ აქ ჩამოსულები საქმეზე და ასევე რომ ვამხილოთ ამ რაიონის გამგეობა თუ რა ხდება, აქ არანაირ პროვოკაციას ადგილი არ ჰქონია. გამგებელმა გადაწყვიტა რომ დაიმალოს პოლიციის უკან. მე მიმაჩნია რომ ეს არის სირცხვილი. ეს შეურაცხყოფაა იმ გაჭირვებული მოქალაქეების რომლებიც გამგებლის სანახავად კი არ მოდიან, არამედ მოდიან თავიანთი პრობლემების გამო. ასევე სირცხვილია ის თუ რითია დაკავებული პოლიცია ამ გაზდილ კრიმინოგენურ ვითარებაში. რაიონში სადაც პატრულის მანქანას ტყვიას ესვრიან. გამგებელმა თითქოს გააგრძელა მოქალაქეთა მიღება, მაგრამ დაახლოებით 15 წუთში მოვიდა რამოდენიმე თანამშრომელი კრიმუნალური პოლიციიდან, მათ ასევე დაემატათ ორი სუსის თანამშრომელი და ისინი კვლავ ჩაიკეტნენ კაბინეტში, არ ვიცით რას მსჯელობდნენ. გამგებელმა ვერ ახსნა თუ რა მიზნით ჰყავდა პოლიცია მოყვანილი.

ჩვენ ნებისმიერი კანონმდებლობით განსაზღვრული წესით მივიღებთ ინფორმაციებს, მათ შორის მოქალაქეებთან შეხვედრით, ასევე დოკომენტაციის ამოღებით, სოფლებში გასვლით მივიღებთ ყველანაირ ინფორმაციას თუ რა ხდება დღეს ამ რაიონში და კომისია ზუსტად ამ ფორმით გააგრძელებს მუშაობას. ამ დროისთვის ინფორმაცია გროვდება და ცოტახანში ჩვენ გამოვაქვეყნებთ კომისიის მუშაობის შედეგებს. წინასწარი ინფორმაციით და შეგროვებული მასალებით ვიცით რომ ამ რაიონში ადგილი აქვს, ნეპოტიზმს, ნათესავების, ნაცნობების, მეგობრების დანიშვნას სახელმწიფო სამსახურში და სახელმწიფო ქონების გაფლანგვას ასევენაცნობ მეგობრებზე სამუშაოების გადაცემას“, -განაცხხადა გიორგი ღვინიაშვილმა.