კავკასიელ ხალხთა კონფედერაციის ხელმძღვანელის ზაალ კასრელიშვილის ინფორმაციით, საქართველოს ფარგლებს გარეთ დაინტერესებულები არიან, რომ ქვეყანაში სუნიტებსა და ვაჰაბისტებს შორის დაპირისპირება მოხდეს.

ამის შესახებ კასრელიშვილმა ჟურნალისტებთან საუბრისას განაცხადა.

"გადაბირება ხდება გადამბირებლების მიერ. მოტივაცია აქვთ რელიგიური. როგორც ყველა დაქირავებულ ჯარისკაცს სოლიდურ თანხებს უხდიან. თუ დღეს ეს პრობლემა ხელისუფლებამ მთლიანად არ მოხსნა, ამ პრობლემის გაყუჩება შეუძლებელი იქნება. როგორც ვიცი ქვეყნის ფარგლებს გარეთ დაინტერესება არსებობს, რომ საქართველოში მოხდეს დაპირისპირება სუნიტებსა და ვაჰაბისტებს შორის“, - განაცხადა ზაალ კასრელიშვილმა.