,,თუ ვინმეს ვაწყენინებ ბოდიშს ვუხდი...“ - რას წერს ზურაბ ჟვანიაზე შალვა ნათელაშვილი

სოც.მედია - 13:06, 20 Apr, 2015

6562

,,ლეიბორისტული პარტიის“ ლიდერი შალვა ნათელაშვილი მიხეილ სააკაშვილის მიერ საკუთარი ,,ფეისბუქის“ გვერდზე, გასულ წელს ზურაბ ჟავნიასადმი დაბადების დღის მილოცვის სტატუსს და ფოტოს ეხმიანება და მის საპასუხოდ საქართელოს ექსპრემიერის მისამართით კრიტიკულ სტატუსს აქვეყნებს:

,,თუ ვინმე გულწრფელს ვაწყენინებ და ალბათ ვაწყენინებ კიდეც ამ სტატუსით, წინასწარ ვუხდი ბოდიშს. ქართველ ერს, მის მენტალობას, მეობას, ისტორიას, ისეთი დიდი მოძულე როგორიც ზურაბ ჟვანია იყო არ ჰყოლია, არც შიგნით და არც გარეთ არასოდეს. ამ პიროვნების სინდისზეა ყველა უბედურება რაც გადაგვხდა, შევარდნაძიზმის მეორედ მოსვლა, მანამდე გადატრიალების და სამოქალაქო ომის იდეოლოგიური მომზადება, ქვეყნის მხედრიონიზაცია, მოქკავშირის დიქტატურა, მიხეილ სააკაშვილის ჩამოყვანა ამერიკიდან და მისი გაბატონება, ეროვნული ტრადიციების, იდეოლოგიის და სარწმუნოების წამბილწავი პროცესების ხელმძღვანელობა და უამრავი ანტიქართული არასამთავრობო ორგანიზაცია, ექსპერტ, პოლიტოლოგების წამოჩიტვა, პოლიტიკური დამანგრეველი კორუფციის ცხოვრების წესად გადაქცევა სახელმწიფოში, ყოველივე ქართულის უარყოფა და ჩამორჩენილობად გამოცხადება, რაც არანაკლებ მთავარია არჩევნების მასობრივი გაყალბება მსოფლიოში უპრეცენდენტო მასშტაბით, დაუსჯელად, წლების მანძილზე. ყველა ამ პროცესის მსხვერპლი თითონვე გახდა, როგორც ავტორი. და კიდევ გამოთქმა რომ მიცვალებულებზე ან კარგს ამბობენ ან არაფერს---ამ შემთხვევაში ზედმეტია, რადგან, განსხვავებით სხვა მოკვდავებისგან, პოლიტიკოსთა მიერ ჩადენილი კარგი ან ავი საქმენი, მათი სიკვდილის შემდეგაც აგრძელებენ სიცოცხლეს, ამიტომ მათ უნდა ახლავე იცოდნენ რომ სიკვდილი არ ათვისუფლებთ მორალურ-ზნეობრივი პასუხისმგებლობისაგან“ - წერს შალვა ნათელაშვილი.