"ისლამური სახელმწიფოდან ძალადობრივი იმპორტი საქართველოსაც დაემუქრება"-აჰმედ ზაკაევის გაფრთხილება

პოლიტიკა - 22:00, 19 Apr, 2015

1707

ჩეჩნეთის დევნილი მთავრობის პრემიერ-მინისტი საქართველოს მთავრობას ლონდონიდან აფრთხილებს. ,,პოსტსკრიპტუმთან“ საუბარში აჰმედ ზაკაევი საქართველოს მთავრობას პანკისის ხეობისადმი მეტი ყურადღების გამოჩენას ურჩევს. ზაკაევი ამბობს, რომ სირიაში წასული პანკისელი მეომრები, ხეობაში დაბრუნდებიან და ისლამური სახელმწიფოდან ძალადობრივი ტალღის იმპორტი უკვე საქართველოსაც დაემუქრება.

"აუცილებელია საქართველოს მთავრობამ პანკისის ხეობის მაცხოვრებლებს მეტი ყურადღება დაუთმოს. დღეს ისინი არიან მოწყვეტილები იმ პოზიტიური პროცესებისაგან, რომელიც დანარჩენ საქართველოში ვითარდება, პანკისელები თბილისს უყურებენ, როგორც სხვა სახელმწიფოს. 97 პროცენტი პანკისში უმუშევარია, ხალხს არ აქვს არსებობს მინიმალური საშუალება. თუ თბილისში იფიქრებენ, რომ რაც უფრო მეტი წავა პანკისიდან უკეთესია და ამით ნაკლები თავისტკივილი იქნება, ასეთი ფიქრი დიდი დანაშაულია. ეს თავისტკივილი საქართველოს შემოუტრიალდება, როგორც დიდი ტრაგედია, ვინც წავიდა ყველა არ მოკვდება, ისინი დაბრუნდებიან,"- აცხადებს ჩეჩნეთის დევნილი მთავრობის პრემიერ-მინისტრი აჰმედ ზაკაევი.