"წლების განმავლობაში ვენახები მიზანმიმართულად იჩეხებოდა"- ირაკლი ღარიბაშილი

პოლიტიკა - 15:13, 18 Apr, 2015

1132

საქართველოს პრემიერ-მინისტრმა ირაკლი ღარიბაშვილმა ჭრებალოს ღვინის ქარხანაში შეკრებილ მეწარმეებს, რომლებსაც მიკრო და მცირე მეწარმეობის ხელშემწყობი ახალი პროექტი წარუდგინა.

პროგრამის ფარგლებში, მთელი საქართველოს მასშტაბით 3 ათასამდე ბენეფიციარი მიიღებს დაფინანსებას, შეიქმნება 4 700-მდე ახალი სამუშაო ადგილი, ბიზნესის კეთების უნარებს აიმაღლებს 4 500-მდე ბენეფიციარი.

პრემიერ-მინისტრი მიიჩნევს, რომ ეს არის ძალიან კარგი შესაძლებლობა, რათა მიკრო და მცირე ბიზნესში მეტი ადამიანი ჩაერთოს.

ღარიბაშვილის განცხადებით, ბოლო ორი წლის განმავლობაში უპრეცენდენტოდ წარმატებული რთველი ჩატარდა, 2013 წელს რთველის შედეგად მიღებულმა შემოსავალმა 8 მლნ ლარი შეადგინა, ხოლო გასულ წელს - 14 მლნ ლარი.

"გლეხმა ირწმუნა, რომ ღირს ვენახის გაშენება და გასულ წელს 3 ათასი ჰექტარი ვენახი გაშენდა, მაშინ, როდესაც წლების განმავლობაში ვენახები მიზანმიმართულად იჩეხებოდა. ქართველ მეღვინეებს ღვინის რუსეთის ბაზარზე გატანის შესაძლებლობა მიეცათ, ევროპის ბაზარზე 65%-ით გავზარდეთ ექსპორტი. ამ ყველაფრის მიუხედავად, პრობლემები რჩება, მაგრამ ჩვენ ვაკეთებთ ყველაფერს, რომ ისინი ეტაპობრივად გადაგიწყვიტოთ. მინდა, გქონდეთ ხელისუფლების იმედი. მოსახლეობის ნახევარზე მეტი სიღარიბეშია და ჩვენ ყველამ ერთიანი ძალისხმევით უნდა გადავჭრათ ეს პრობლემები. ჩემი ინფორმაციით, პარლამენტში მაისში მთის კანონის განხილვა დაიწყება. მჯერა, რომ მთის კანონი და ეს პროგრამები მთლიანობაში, ხელს შეუწყობს ჩვენი ხალხის ფეხზე დაყენებას",- განაცხადა პრემიერმა.