იუსტიციის მინისტრი ქ. ფოთს ესტუმრა. თეა წულუკიანმა იუსტიციის სახლის მშენებლობა დაათვალიერა, ადგილზე გაეცნო პროცესის მიმდინარეობას და მშენებლობაზე დასაქმებულებს გაესაუბრა.

ფოთის იუსტიციის სახლის მშენებლობა მიმდინარე წლის ბოლომდე დასრულდება. ეს რიგით მეორე იუსტიციის სახლია, რომელიც სამეგრელოს რეგიონში შენდება. ზუგდიდის იუსტიციის სახლი 2014 წლის ივნისში იუსტიციის მინისტრმა თეა წულუკიანმა გახსნა.

დღეისათვის 13 სერვისცენტრი, პრაქტიკულად, ყველა დიდ ქალაქში მოქმედებს და დღის განმავლობაში 20 000-ზე მეტ მოქალაქეს ემსახურება. მიმდინარე წელს იუსტიციის სახლები კიდევ სამ ქალაქში − ფოთში, თიანეთსა და ყაზბეგში − გაიხსნება, სერვისცენტრების მშენებლობა კი ლაგოდეხში, მცხეთასა და ონში დაიწყება.