სასჯელაღსრულების სამინისტროში კახა ნაკანის მიერ თვითმკვლელობის მცდელობის ფაქტს ეხმაურებიან,

როგორც საგანგებო ბრიფინგზე სასჯელაღსრულების მინისტრის მოადგილემ კახი კახიშვილმა განაცხადა, თვითმკვლელობის ერთ-ერთი მოტივი ირაკლი ფირცხალავას პოლიტიკური მხარდაჭერა იყო.

„წინასაგამოძიებო შემოწმების დროს მოპოვებულია დოკუმენტი, სადაც თვითდაზიანების დაფუძვლად ნაკანი აცხადებს პროტესტს იმის გამო, რომ სპეცრაზმელები არიან დაკავებული და ყველაზე მთავარი, ის უცხადებს თანადგომას ირაკლი ფირცხალავას. ანუ ძირითადად დაზიანების საფუძვლად აცხადებს პოლიტიკურ მხარდაჭერას ირაკლი ფირცხალავას მიმართ“, - განაცხადა კახიშვილმა.

შეგახსენებთ, კახა ნაკანმა ციხეში ვენები გადაიჭრა. იგი ამ დროისთვის სასჯელაღსრულების დაწესებულების საავადმყოფოში იმყოფება. მის ჯანმრთელობის მდგომარეობს საფრთხე არ ემუქრება.