„ნაციონალურ მოძრაობაში“ კახა ნაკანის მიერ თვითმკვლელობის მცდელობის ფაქტს ეხმაურებიან და მოითხოვენ, რომ საქმე თვითმკვლელობამდე მიყვანის მუხლით აღიძრას.

პარტიის წევრის გივი თარგამაძის თქმით, სპეცრაზმის ყოფილ მეთაურზე ზეწოლა ხორციელდება და საჭიროა დაუყოვნებილ მოხდეს მისი გადაყვანა ე.წ. მატროსოვის ციხეში.

„მოვითხოვთ, რომ კახა ნაკანი მკურნალობის დამთავრებისთანავე გადაიყვანონ მატროსოვზე და გადაწყდეს მისი და სხვა სპეცრაზმელების წინასწარ პატიმრობაში ყოფნის შეწყვეტის საკითხი. შეწყდეს დევნა ყოფილ სპეცრაზმელებზე და აღიძრას საქმე თვითმკვლელობამდე მიყვანის მუხლით. ვიცით, რომ უსინდისო შინაგან საქმეთა მინისტრსაც აწუხებს ეს საკითხი, მაგრამ გამოვიდა ყოფილი პრემიერი და მისცა მითითება, რომ სპეცრაზმელები არ უნდა გაათავისუფლონ“, - განაცხადა თარგამაძემ.