ასურელი ქრისტიანების მხარდამჭერი აქციის ერთ-ერთი ორგანიზატორი, ლიზა გეგეჭკორი, სიცრუეს უწოდებს მუსიკოს მიშა ზაქარეიშვილის განცხადებას, თითქოს აქციის იდეა მოპარულია.

„ვრცელდება დეზინფორმაციული განცხადებები იმის შესახებ, რომ აქცია მოპარულია... აღნიშნულ განცხადებას მიშა ზაქარეიშვილი ავრცელებს და დაგეგმილ აქციას - „ჩემს აქციას“ უწოდებს“ ... უხერხულია სხვა თუ არაფერი მსგავსი შინაარსის "პაექრობის" ატეხვა ამ თემის ირგვლივ, პრობლემის არსისა და სიმძიმის აღქმა გმართებთ!! ეს აქცია დაიგეგმა ნინო ლაბარტყავასა და პირადად ჩემს მიერ, ლიზა გეგეჩკორის მიერ და არის ხალხის აქცია ... ასეთ პროვოკაციებსა და პროვოკატორების მსგავს ქმედებებს კი ვპროგნოზირებდით, თუმცა ვერაფრით ვიფიქრებდით, რომ ამ თემის ირგვლივ ასე შეირცხვენდნენ თავს!!! ვწუხვართ... როდესაც ადამიანები სისასტიკისა და ტირანიის წინააღმდეგ მიმართულ აქციასა და სამოქალაქო თანადგომას „ჩემს აქციას“ უწოდებენ. სატირალია....“, - ამბობს გეგეჭკორი.

მიშა ზაქარეიშვილის თქმით, ჟურნალისტებმა, ლიზა გეგეჭკორმა და ნინო ლაბარტყავამ მას აქციის იდეა მოპარეს და სურთ, რომ პიარი მოპარული აქციით გაიკეთონ.

„ნინო ლაბარტყავა და ლიზა გეგეჭკორი იმას რასაც თქვენ აკეთებთ უმსგავსობაა უბედურ ხალხზე პიარის აგება და სხვისი აქციის მოპარვა არ შეიძლება სირცხვილია ! როგორც კი რომელიმე არასამთავრობო ან რომელიმე პარტია იქ აქციაზე 19 აპრილს 5 საათზე ეცდება პიარის გაკეთებას გაძევებული იქნება აქციიდან უხეში ფორმებით...“, - წერს ზაქარეიშვილი სოციალურ ქსელში.

19 აპრილს, საღამოს 5 საათზე თბილისში, პარლამენტის შენობის წინ ასურელი ქრისტინების მხარდასაჭერი აქცია გაიმართება. აქციის მთავარი გზავნილი სირიაში მომხდარი ძალადობის დაგმობა და სახელმწიფოსდმი იმ თხოვნის მოწოდებაა, რომელიც ასურელი ოჯახებისთვის საქართველოში თავშესაფარის შექმნას გულისხმობს.