"დემოკრატიული მოძრაობის" ლიდერი ნინო ბურჯანაძე ყირიმში განვითარებულ მოვლენებს ეხმაურება და ამბობს, რომ საერთაშორისო თანამეგობრობამ ყირიმი საერთოდ დაივიწყა.

მისი თქმით, უკრაინის ხელისუფლებამ დასავლეთის გარკვეული ხელშეწყობითაც რადიკალური შეცდომები დაუშვა უკრაინასთან მიმართებაში, რასაც ყირიმში განვითარებული მოვლენები მოჰყვა.

„ფაქტია, დღეს ყირიმი არის რუსეთის ნაწილი და ის აღარასდროს გახდება უკრაინის ნაწილი. ფაქტია, რომ ყირიმი საერთოდ დაივიწყა საერთაშორისო თანამეგობრობამ. ნუ დავიწყებთ იმაზე საუბარს თუ რა არის ჩვენთვის სასურველი, რა მოგვწონს და რა არ მოგვწონს. არსებული რეალობებიდან გამომდინარე უნდა გამოვიტანოთ დასკვნები და დღეს არის ფაქტი რომ არც ერთი სახელმწიფო აღარ ლაპარაკობს ყირიმზე“, - განაცხადა ბურჯანაძემ.