შინაგან საქმეთა მინისტრის ინფორმაციით, პანკისელი არასრულწლოვანის საზღვრის კვეთის ფაქტზე გენერალურმა ინსპექციამ მოკვლევა დაიწყო.

ვახტანგ გომელაურმა დაადასტურა, რომ 16 და 18 წლის სკოლის მოსწავლეები თურქეთში თბილისის საერთაშორისო აეროპორტიდან გაემგზავრნენ.

„საპატრულო პოლიციის თანამშრომელმა, რომელმაც ბავშვი შეამოწმა, შეცდომა დაუშვა. ადამიანს შეეშალა და ჩვენ ამას ვაღიარებთ. გენინსპექციამ საკითხი მოიკვლია და ეს ადამიანი შესაბამისად დაისჯება. სამსახურიდან გათავისუფლდება თუ სასტიკი საყვედური გამოეცხადება, ეს არის გენინსპექციის გადასაწყვეტი“, - განაცხადა გომელაურმა.

შეგახსენებთ, ბოლო დღეების განმავლობაში პანკისის ხეობიდან სირიაში 3 ახალგაზრდა წავიდა, მათ შორის ერთი არასრულწლოვანია.