საპარლამენტო უმცირესობის ლიდერი დავით ბაქრაძე ვაშინგტონში შეხვედრებს განაგრძობს. კონგრესის ორივე პალატის წარმომადგენლებს შეხვდა.

დღესვე დაგეგმილია ბაქრაძის შეხვედრა ეროვნული დემოკრატიული ინსტიტუტის ხელმძღვანელობასთან. განხილვის თემა რეგიონში მიმდინარე პროცესები იქნება.

"შეხვედრებისას განხილვის ერთ-ერთი მთავარი თემა საქართველოს ევროატლანტიკური და ევროპული მომავალის საკითხია. ჩვენი ქვეყნისთვის სასიცოცხლოდ მნიშვნელოვანია, რომ შეერთებული შტატები საქართველოს ლობირებაში ლიდერი დარჩეს“, - განაცხადა ბაქრაძემ.