დღეს გამართულ პლენარულ სხდომაზე, პარლამენტის ვიცე სპიკერი - გუბაზ სანიკიძე, სირიაში ბოლო დროს გნვითარებულ მოვლენებს გამოეხმაურა. მისი თქმით, სირიასა და ერაყში რელიგიური დაპირისპირების ფონზე, მძიმე ვითარებაა, საჭიროა საქართველო ჩაერთოს დახმარების პროცესში და თავისი სახე აჩვენოს.

„ისლამური თემის წარმომადგენლები ავად თუ კარგად საკუთარი თავის დაცვას ახერხებენ, მაგრამ ამ ქვეყანაში ასევე ცხოვრობენ ქრისტიანები - სირიელი და ერაყელი ქრისტინები და ისინი ყველაზე მოწყვლად ნაწილად ითვლებიან. მათი უფლებები გატოლებულია ნულთან და სახეზეა მათი გეგმაზომიერი განადგურება. ამ საქმეში ყველანი ერთად უნდა ვიყოთ, რადგან ჩვენ ამ ადამიანების მიმართ ვალი გვაქვს. ქართული ქრისტიანობა სწორედ ასურელი ქრისტიანობისგან იშვა. ხელისუფლებას მოვუწოდებ, ამ ადამიანებზე ცოტა მეტი ვიფიქროთ და საქართველო ჰუმანიტარულ პროცესებში უნდა ჩაერთოს, თავისი სახე უნდა აჩვენოს“ - განაცხადა სანიკიძემ.

გუბაზ სანიკიძემ, შინაგან საქმეთა სამინისტროს მოუწოდა ქვეყნის შიგნითაც გაამახვილოს ყურადღება, რადგან რეგიონებში დაძაბულობაა და ამის საჭიროება ნამდვილად არსებობს.