პრემიერ-მინისტრი ინტერპოლის ძებნილთა სიიდან ზურაბ ადეიშვილის ამოღებას ეხმაურება და ამბობს, რომ ეს გადაწყვეტილება მისთვის გაუგებარია.

ამის შესახებ ირაკლი ღარიბაშვილმა ჟურნალისტებთან საუბრისას განაცხადა

„თუ ინტერპოლს რაიმე ახალი პოლიტიკა აქვს და ეს მათი გადაწყვეტილებაა, ამ შემთხვევაში მთავრობის მეთაურის პოზიცია რა უნდა იყოს. ჩვენმა მთავრობამ რაც გასაკეთებელი იყო ყველაფერი გააკეთა. ადეიშვილიც მივეცით პასუხისგებაში და ყველა ის პირი, რომელმაც შექმნეს დანაშაულებრივი სისტემა. რაც შეეხება კითხვას, ხომ არ იყო ნაკლებად არგუმენტირებული ინფორმაცია, რაც ინტერპოლს მიეწოდა გეტყვით, რომ არა. ეს რომ ყოფილიყო არაარგუმენტირებული ინტერპოლი არ ჩასვამდა წითელი ცირკულარით ძებნილთა სიაში. ინტერპოლმა თავის დროზე გაიზიარა ყველა არგუმენტი, რაც საქართველოს პროკურატურამ გადაუგზავნა“, - განაცხადა პრემიერმა.