"ქართველ მუსლიმთა კავშირის" წარმომადგენლის ტარიელ ნაკაიძის თქმით, ხელისუფლება უბიძგებს ახალგაზრდებს, რომ რადიკალურ რელიგიურ ექსტრემიზმამდე მივიდნენ.

ამის შესახებ ნაკაიძემ გადაცემა „არჩევანში“ განაცხადა.

მისი თქმით, ხელისუფლება მუსლიმანთა უფლებებს ვერ იცავს, რაც ვითარებას კიდევ უფრო ძაბავს ქვეყანაში.

"საქართველოს ხელისუფლება მუსლიმანთა უფლებების დაცვას ვერ ახერხებს. ამის დასტურია ის, რომ ქობულეთში ვერ დაიწყეს მუსლიმმა ბავშვებმა სწავლა, ბათუმში ვერ შენდება ახალი მეჩეთი, მოხეში ვერ ბრუნდება მეჩეთი. ეს ყველაფერი კი მიდის იქამდე, რომ ახალგაზრდა ისლამისტი მიდის იმ გადაწყვეტილებამდე, რომ ის გახდეს რადიკალი ისლამისტი. ბევრი რამ არის მოსაწესრიგებელი", - განაცხადა ნაკაიძემ.