ვიცე-სპიკერი მანანა კობახიძე ამბობს, რომ ინტერპოლის ძებნილთა სიიდან ზურაბ ადეიშვილის ამოღებაზე განცხადება პროკურატურამ უნდა გააკეთოს.

ამის შესახებ კობახიძემ ჟურნალისტებთან საუბრისას განაცხადა.

„არც ადრე შემიმოწმებია ინტერპოლის სია და არც ახლა ვაპირებ სიის შემოწმებას. ამ ადამიანს ბრალი მძიმე დანაშაულებში ედება და ის საქართველოში თუ ჩამოვა, დააკავებენ", - განაცხადა კობახიძემ.

საქართველოს იუსტიციის ყოფილი მინისტრი - ზურაბ ადეშვილი ინტერპოლის მიერ ძებნილთა სიაში აღარ ფიქსირდება. ამ დროისთვის უცნობია შეწყდა თუ არა ზურაბ ადეიშვილის ძებნა.